የሂልሶንግ አምልኮ መሪ ዳርሊን ዤክ አስገራሚ የህይወት ታሪክ የሚያትት መፅሐፍ ለንባብ በቃ!

በአለም አቀፍ ደረጃ እጅግ ተወዳጅ የሆኑ ከ100 በላይ መዝሙሮችን በመድረስ እና በማስመለክ የምትታወቀው ዳርሊን ዤክ(Darlene Zschech) መራር ስለነበረው የህይወት ክፍሏ በሰፊው የተረከችበትን መፅሐፍ ለንባብ አበቃች፡፡ The Golden Thread: Experiencing God’s Presence in Every Season of Life (ወርቃማው ልምምድ- የእግዚአብሔርን ሀልዎት በየትኛውም የህይወት ውጣውረድ ውስጥ መለማመድ) የተሰኘ አርዕስት ያልው ይህ መፅሐፍ Wilderness (ምድረበዳ) በሚል ክፍሉ ላይ ዘማሪዋ በልጆችዋ ላይ የተከሰው የ ኦቲስም ህመም እና እሷ ራሷ ለሞት በሚያደርስ የ ካንሰር ህመም ምክንያት ምን ያህል እንደተቸገረች እና ይህንን ወቅት እንዴት በድል እንደተወጣች በሰፊው ተርካበታለች፡፡

በመጠን መኖር

Hillsong United (ሂልሶንግ ዩናይትድ) ላይ ከ 25 አመታት በላይ የአምልኮ እና የዝማሬ መሪ የነበረችው ዤክ እንደተናገረችው “የግል ታሪኬን ነው ያካፈልኩት፡፡ ስለቤተሰቤ፣ ስለልጆቼ ነው የፃፍኩት፡፡ ልጆቼ ሲሰቃዩ ያየሁትን ሁሉ ተርኬአለሁ፤ እነሱም አንብበው ፈቅደውልኛል(እንዲታተም)፡፡ እነሱ ያልፈለጉትን አንድም ነገር አላካፈልኩም- እናም ይሄን ክፍል የምድረ በዳው ምዕራፍ ብዬዋለሁ፡፡” ብላለች፡፡

በ 2013 እ.ኤ.አ የተገኘባትን የካንሰር ህመም እና ስቃዩን እያስታወሰች “ሁላችንም የምድረ በዳ ጉዞዎች አሉን” ያለችው ዘማሪዋ “ሁላችንም ያን የክረምት ወቅት እንለማመደዋለን፤ አስፈላጊም ነው፡፡ ክረምት በህይወት መፈራረቅ አውድ ሲታይ አስፈላጊ ነው፡፡ ምክንያቱም በ በጋ የማናገኛቸው ልምምዶች በክረምት ብቻ የሚገኙ በመሆናቸው ነው፡፡ የምድረ በዳውን ውበት መፈለግ- የመፅሐፉ ምዕራፍ ስለዚህ የሚያወራ ነው” ብላለች፡፡

ምንም እንኳን ረጅም ጊዜ በፈጀ ህክምና ከ ካንሰር ነፃ መሆኑዋን ብታረጋግጥም ታዋቂዋ የዝማሬ መሪ ያ ወቅት እምነቷን መፈተኑን አልሸሸገችም፡፡ “ሀሌሉያ! ካንሰር ያዘኝ! አላልኩም፡፡ ነገር ግን በዚህ የፈተና ወቅት ስላገኘኋቸው አስደናቂ ነገሮች ሁሌም አመሰግን ነበር” ብላለች፡፡

ዳርሊን ዤክ በአሁኑ ሰዐት ከ25 ዓመታት የተሳካ የአገልግሎት ዘመን በኋላ ከ Hillsong United (ሂልሶንግ ዩናይትድ) በመውጣት ከባለቤቷ ጋር በመሆን Hope Unlimited (ሆፕ አንሊሚትድ) የተባለ ማህበረ ምዕመን መስርተው በማገልገል ላይ ይገኛሉ፡፡ “ ምዕመናን ወደ አለም የተላኩ ቤተክርስቲያን ናቸው እንጂ ወደ ቤተክርስቲያን የሚመጡ አይደሉም፡፡ “ የምትለው ዤክ በተክርስቲያንን ልክ እንደ ነዳጅ ማዲያ ትመስላታለች፡፡ የቤተክርስቲያን ሚና ሰዎች ነዳጅ ሞልተው እና ተቀጣጥለውእንዲሄዱ እና ለክርስቶስ እንዲኖሩ ማድረግ መሆኑን ተናግራለች፡፡